நம் முன்னோர்கள், சிறந்ததோர் சமுதாய அமைப்பை உருவாக்கி இருக்கின்றார்கள். பல ஆயிரம் ஆண்டுகளுக்கு முன்னமே, ஆராய்ந்து, தெள்ளத் தெளிவான சமுதாய அமைப்பை உருவாக்கி, நமக்கு அளித்திருக்கின்றார்கள். நாகரிகம், கலாசாரம்; இரண்டும் சிறப்பானதாக அமைத்திருக்கின்றார்கள். நாகரிகம் - புறம் சம்பந்தப்பட்ட வளர்ச்சி; கலாசாரம் - அகம் சம்பந்தப்பட்ட வளர்ச்சி. அகவளர்ச்சி, புறவளர்ச்சி என்று, மனிதன் சிறப்பாக வாழும் வழிமுறையை வகுத்து சொல்லியிருக்கின்றார்கள்.

நம் முன்னோர்களின் சிந்தனை, இயற்கையோடு இணைந்த சிந்தனை. சூரியன், மழை, ஆகாயம், காற்று, நீர், நெருப்பு என்று இயற்கையோடு, மனித வாழ்க்கையை இணைத்தே, நாம் வாழும் வாழ்வு முறையை வகுத்து அளித்திருக்கின்றார்கள், நம் முன்னோர்கள். நாம் இயற்கையை கண்டு பயந்து ஓடுவதில்லை. இயற்கையை, சிறப்பாக கையாளும் முறையை, பழக்கத்தை கற்றுக் கொள்கின்றோம்.

சமீபத்தில், அமெரிக்காவில் நாட்டிய நடனம் நடந்தது. அந்த மேடையில், குத்து விளக்கு வைத்திருந்தார்கள். நம்ம ஊரில், குத்து விளக்கில், நல்லெண்ணையை ஊற்றி, ஒளியேற்றுவார்கள். அங்கு, நெருப்பு என்ற இயற்கை மனித குலத்துக்கு பயன்படும் ஒளியாகிறது. அந்த வாழ்வுமுறை, இயற்கையுடன் ஒன்றிய வாழ்க்கைமுறை. அமெரிக்காவில், குத்து விளக்கில், மின் விளக்குகளை வைத்திருக்கின்றார்கள். அந்த வாழ்க்கைமுறை, இயற்கைக்கு எதிரானது; செயற்கையானது; இயற்கையைக் கண்டு பயந்து வாழ்வது. நெருப்பைச் சிறப்பான முறையில் கையாண்டால், அது ஒளியாக மனித குலத்துக்கு பயனுள்ளதாக அமையும்.

ஆக, நம் முன்னோர்கள், நமக்கு சிறப்பான வாழ்வு முறையை அமைத்துக் கொடுத்திருக்கின்றார்கள். மனிதன், அகத்திலும், புறத்திலும் தூய்மையுடன் வாழும் வாழ்க்கைமுறையை, நமது முன்னோர்கள் உருவாக்கியிருக்கின்றார்கள். சமுதாயத்துக்கு, நல்லதோர் அமைப்பு தேவை. அமைப்பு சிறப்பானதாக இருந்து விட்டால், மக்கள் அனைவரின் வாழ்க்கையும் சிறப்பாக அமையும். சமுதாய அமைப்பு சரியில்லையென்றால், குழப்பம், கோமாளித்தனம், சண்டை, சச்சரவு என்று சமுதாயம் எந்தவித முன்னேற்றமின்றி பிந்தங்கிய நிலையை அடையும்.

ஆக்கல் - காத்தல் - அழித்தல் என்று மூன்று முக்கிய செயலின் அடிப்படையில் சமுதாய அமைப்பை உருவாக்கி இருக்கின்றார்கள், நமது முன்னோர்கள். மூன்றும் பதவி அல்ல; பொறுப்பு. மூன்றும் சமநிலை. ஒவ்வொரு துறையும், சிறப்பாகச் செயல்பட வேண்டிய முழுஅதிகாரம் வழங்கப்பட்டு இருக்கின்றது. மூன்று செயலும் சிறப்பாகச் செயல்படும்போது, மனித சமுதாயம் எந்தவித குழப்பம், கோமாளித்தனம், சண்டை, சச்சரவு இன்றி செழித்தோங்கும்.

அதுவும் பாருங்க; அழித்தல் என்ற செயலின் அவசியம் அறிந்து உருவாக்கி இருக்கின்றார்கள். நமது முன்னோர்களின் சிந்தனையெல்லாம், இயற்கையின் அடிப்படையிலேயே அமைந்திருக்கின்றது. விதையிலிருந்து செடி தோன்றுகிறது. அது ஆக்கல் செயல். பிறகு, அந்த செடி வளர்வதற்கு, மண்சத்து, நீர்ச்சத்து தேவைப்படுகின்றது. அது காக்கும் செயல். வளர்ந்த மரம், வீழ்ந்து, மண்ணுக்கு உரமாகிறது. அது அழிக்கும் செயல். ஆக, மூன்றும், மிகவும் முக்கியமான, அவசியமான, தேவையான செயல்கள். இந்த இயற்கையின் அடிப்படையில், சமுதாய அமைப்பை உருவாக்கி இருக்கின்றார்கள், நமது முன்னோர்கள். அந்த அமைப்பில், தேவையில்லாமல், டம்மி பதவிகளை உருவாக்கவில்லை; அதேபோல், தேவைக்கு குறைவான பதவிகளையும் உருவாக்கவில்லை.

Power is replaced with Responsibility. Power is well balanced. Each branch has the authority to execute their tasks. Each branch has the total, complete, autonomous power. All powers are equal; there is no hierarchy at the top level. Each branch is accountable. No dummy power; no one has the power without any responsibility and without any accountability. Task is well defined. Not only that; they established a very effective local gods. Kali is responsible for Kalikatta; Meenakshi is responsible for Madurai; Mahalakshmi is responsible for Mumbai and so on. We will surely have our ancestors blessings and guidance to build a Modern India.

Let's look at the current system